देश के खातिर जीबो ।
भारत देश म जनम धरेन देश के सेवा करबो ।
देश के खातिर जीबो अऊ हमन देश के खातिर मरबो ।।
देश के खातिर जीबो अऊ हमन देश के खातिर मरबो ।।
ये माटी मा खेलेन कुदेन ये माटी म सनायेहन ।
जियत भर देश के सेवा करबो ये कसम हमन खायेनहन ।।
जियत भर देश के सेवा करबो ये कसम हमन खायेनहन ।।
हिन्दु मुस्लिम मन झगडा होथे वोला हमन समझाबो ।
हिन्दु मुस्लिम म भेद नई करन संग म कदम बढाहाबो ।।
हिन्दु मुस्लिम म भेद नई करन संग म कदम बढाहाबो ।।
बड भागी हे हमर चोला छत्तीसगढ़ म जनम मिलिस ।
भारत मां के सेवा करबो जेखर हमला कोरा मिलिस ।।
भारत मां के सेवा करबो जेखर हमला कोरा मिलिस ।।
काम अईसे हमन करबो , देश के नाव बढाहाबो ।
देश के खातिर जीबो अऊ हमन देश के खातिर मरबो ।।
देश के खातिर जीबो अऊ हमन देश के खातिर मरबो ।।
कंधा से कंधा मिलाबो कदम से कदम मिलाबो ।
हमन चलबो एक साथ दुश्मन ल जलाबो ।।
हमन चलबो एक साथ दुश्मन ल जलाबो ।।
हमर भाई मन ल मारिस हे ओखर बदला ला लेबो ।
शहीद के बलिदान खाली नई जाये ईटा के जवाब पथरा मा देबो ।।
शहीद के बलिदान खाली नई जाये ईटा के जवाब पथरा मा देबो ।।
विक्रम सिंह राठौर
कोई टिप्पणी नहीं:
एक टिप्पणी भेजें