1. आके हमरो लाज बचादे जय जय श्री गणेशा । बिगडे जम्मो काज बनादे जय जय श्री गणेशा । डोंगा हा मझदार बुड़त हे जिनगी के समुंदर आके बेडा पार लगादे जय जय श्री गणेशा ।
2. सुख ला भरदे हमरो जिनगी मा जय जय श्री गणेशा । पबरित करदे हम सबके मन ला जय जय श्री गणेशा । तोरे भगती कर पावन, अतका शक्ति दे दे तोरे किरपा अमरित जइसे गा जय जय श्री गणेशा । ईश्वर लाल साहू ठेलका, थानखम्हरिया
1)मुक्तक-----""कर बैरी के नाश"""" ********************************************* अमन चैन के देश ह लहू मा बूड़गे आज चिथत हे ग दाई ल बन बेटामन ह बाज करव पाप के नाश सत के होवय ग अंजोर हवय प्राथना बस इहि सुनलव हे गणराज ***†**************************************** 2) मुक्तक----"गिरिजानंदन" ******************************** सबले बड़का "दाई-ददा" हे जग ला जेन सिखाए हे दाई-ददा के सेवा ल कर "पहली पूजन" पाए हे पूजाच भर सुक्खा झन करन गुन ओखर अंतस मा धरलन संकट हरेबर, मंगल करेबर "गिरिजानंदन"आए हे| ********************************* सुनिल शर्मा"नील" थानखम्हरिया,बेमेतरा(छ.ग.) 7828927284 copyright 14/09/2016 7828927284
मुक्तक 1(222 2222 2222 122)
जोईधा हच बड़भारी ,जै हो जै हो गणेशा ।
चकरित होगे भंडारी ,जै हो जै हो गणेशा ।
महतारी के आज्ञा माने तैं तो प्रण ल ठाने
मोहाटी छेके भोला ,जै हो जै हो गणेशा ।
मुक्तक 2 (222 2221 2211 22 )
जय जय हो गनपति तोर, आ लाज बचा दे
जगतारन बंदी छोर , बिपदा ल हटा दे ।
डोंगा बूड़त हे बीच भंवर म परे हे
सुन ले बिनती ला मोर, आ पार लगा दे ।
जय जय हो गजानन मोरे गनेसा, जय गणराज।
दाई हे उमा अउ बापे महेसा, हे गणराज।
अरजी सुन परभु तैं, भगतन करत हें बड़ गोहार।
दुख पीरा हरव जगत के मेटव कलेसा जय गणराज।
अगियान मेटा के ते गियान हमला दे । हर त्रास औ संकट ले निदान हमला दे ।। गणनाथ महराजा जीव जोर बिनती हे बल बुद्धि बिद्या के बिधान हमला दे ।। महेश मलंग पंडरिया कबीरधाम
हे गणेशा मोर अँगना म जबले आये, जनम मोरे सफल होगे ।
हे गणेशा मोर सपना म जबले आये, दरद मोरे सरल होगे ।
हे प्रभुजी मोर अरजी ल सुनके, तैहा सफल करदे मोर पूरा
हे गणेशा मोर भुवना म जबले आये, बिपति मोरे तरल होगे।
-----------------
दुखिया के तै दुख हरैया जय हो तोर गणराज।
सबके बिगड़ी के बनैया जय हो तोर गणराज।
भुवना मा बाजे नगाड़ा कस के होय जयकार।
पापी के नासे करैया जय हो तोर गणराज।
पहिली पूजा के तै अधिकारी गणेशा तोला भाथे लाड़ू हा भारी गणेशा करथस सबके आशा ला पूरा गजानन तोला कहिथे सब मंगलकारी गणेशा।। मोरो पीरा ल तै हरबे गजानन मोरो रक्षा ल तै करबे गजानन सबले पहिली ग तोला गोहराथन दुनिया मा सुख ल तै भरबे गजानन
रसता जोहत बइठे हाबन,जय जय श्री गणेशा। हमरो घर मा कब ते आबे,जय जय श्री गणेशा। तोरे पूजन खातिर भगवन,फुल माला धरे हन। मोदक तोला अड़बड़ भाथे,जय जय श्री गणेशा। ।।1।।
भोले के तै लाल गणेशा। तन हे बड़ बिकराल गणेशा। मूसक के तै करच सवारी। टारच तै जन जाल गणेशा। ।।2।।