सर सर हवा करत हे , जाड अडबड लागत हे ।
दिन भर डोकरी दाई कापे , नइ जिये तईसे लागत हे ।।
दिन भर डोकरी दाई कापे , नइ जिये तईसे लागत हे ।।
लईका मन के नाक ह बोहाये , गोड हाथ ह फाटत हे ।
सुर-सुर सबो करत हे , आगी ल तापत हे ।।
सुर-सुर सबो करत हे , आगी ल तापत हे ।।
ठंडा के मारे संगी नहाये के मन नई लागत हे ।
ये ठंडा म चार ठन कथरी ओढे ल लागत हे ।।
ये ठंडा म चार ठन कथरी ओढे ल लागत हे ।।
दाई ह जुन्ना स्वेटर ल पहिरे बर देवत हे ।
टूरा ह जुन्ना ल नई पहिरव कहिके मुँह ल फुलोत हे ।।
टूरा ह जुन्ना ल नई पहिरव कहिके मुँह ल फुलोत हे ।।
सस्ता पताल के चटनी सब झन खावत हे ।
ये जाड के दिन म संगी कथरी के सुरता आवत हे ।।
ये जाड के दिन म संगी कथरी के सुरता आवत हे ।।
सर सर हवा करते हे , अडबड जाड लागत हे ।
दिन भर डोकरी कापे , नई जिये तईसे लागत हे ।।
दिन भर डोकरी कापे , नई जिये तईसे लागत हे ।।
- विक्रमसिंह "लाला"
मुरता नवागढ बेमेतरा
मुरता नवागढ बेमेतरा
कोई टिप्पणी नहीं:
एक टिप्पणी भेजें