विधा-दोहा मा लिखे के प्रयास
~~~~~~~~~~~~~~~
-आमा मउरे सब डहर,महुआ हा ममहाय।
डारा बइठे कोयली,सुग्घर तान सुनाय।।
~~~~~~~~~~~~~~~
-आमा मउरे सब डहर,महुआ हा ममहाय।
डारा बइठे कोयली,सुग्घर तान सुनाय।।
-महर महर बारी करय,हरियर हावय खेत।
आवत हावे फगुनुवा,राखे रहिबे चेत।।
आवत हावे फगुनुवा,राखे रहिबे चेत।।
-चंपा,गेंदा,मोंगरा, आनी बानी फूल।
देवत ए संदेश हे,सब राहव मिलजूल।।
देवत ए संदेश हे,सब राहव मिलजूल।।
- फूले सरसों निक लगे,टेसू झूलें डार।
मतंग तन मन हो जथे,झूमत हे संसार।।
मतंग तन मन हो जथे,झूमत हे संसार।।
-सुग्घर पुरवाही चलें,तन मन ला हरषाय।
मउसम बसन्त देख के,लगे जवानी आय।।
मउसम बसन्त देख के,लगे जवानी आय।।
-स्वागत हे स्वागत हवे,हे बसन्त ऋतु तोर।
मनखे मनखे बन सके,अतके बिनती मोर।।
मनखे मनखे बन सके,अतके बिनती मोर।।
ज्ञानु"दास" मानिकपुरी
चन्देनी कवर्धा(छ.ग.)
चन्देनी कवर्धा(छ.ग.)
सुघ्घर रचना बधाई हो
जवाब देंहटाएं