पागा कलगी--3//मिलन मलरिहा

छत्तीसगढ के पागा कलगी"--3 "छत्तीसगढी कविता के प्रतियोगिता"
विषय--------// '''कलेवा'''//-------------
.

.
सतजूग म रहीच धरम, बहुते पहुना आय।
मानय ओला देव सहि, कलेवा ओहि खाय।।
.
दूध खीर मेवा छनय, घर—घर भोज खवाय।
हिरदय गदगद हो जयव, भरभर थारी पाय।।
.
कलजुग मनखे नव करम, पहुना बन ललचाय।
दारु मुरगा मारबे, तभेच तो गुन गाय।।
.
बीही आमा कलिन्दर, असल मेवा कहाय।
सतके रद्दा नइ धरय, नसा म सब पोताय।।
.
गुटका पाउच अब हवय, अटल भोग चटुकार।
आजके 'कलेवा' एहि ल, मानत हे सनसार।।
.
.
मिलन मलरिहा
मल्हार बिलासपुर