छत्तीसगढ़ के पागा क्र 7 बर मोर रचना
शीर्षक -जंवारा
चैत के पावन महीना म जंवारा बोवाये हे
दिखय हरियर हरियर शोभा बगराये हे
जम्मो नर नारी म भक्ति के भाव समाये हे
ऐ परब अपन देवी देवता के मनौती के .....
शीर्षक -जंवारा
चैत के पावन महीना म जंवारा बोवाये हे
दिखय हरियर हरियर शोभा बगराये हे
जम्मो नर नारी म भक्ति के भाव समाये हे
ऐ परब अपन देवी देवता के मनौती के .....
मंदिर देवाला अउ घर हा सरग बरोबर लागे
बईठे दुर्गा भवानी हा सोलह श्रृंगार साजे
सेवा गाये मगन सबो मांदर धुन हा बाजे
निशदिन पूजा होवत हे माता शक्ति के......
बईठे दुर्गा भवानी हा सोलह श्रृंगार साजे
सेवा गाये मगन सबो मांदर धुन हा बाजे
निशदिन पूजा होवत हे माता शक्ति के......
कुमकुम बंदन ध्वजा अउ नीम्बू सब चघाये
माता अपन कृपा सब ऊपर हे बरसाये
हाथ जोड़े खड़े सेउक देवता ओमा समाये
सउहत दिखय शक्ति सबला भक्ति के .....
माता अपन कृपा सब ऊपर हे बरसाये
हाथ जोड़े खड़े सेउक देवता ओमा समाये
सउहत दिखय शक्ति सबला भक्ति के .....
कोनो हा साँकड़ कोनो हा नरियर मांगे
जोर के जयकारा लगावै हाथ अपन टाँगे
खप्पर धरे हाथ म कोनो बाना धरके दउडय
अइसन सुघ्घर परम्परा हमर पुरखौती के....
जोर के जयकारा लगावै हाथ अपन टाँगे
खप्पर धरे हाथ म कोनो बाना धरके दउडय
अइसन सुघ्घर परम्परा हमर पुरखौती के....
साल साल अउ पीढ़ी बर नियम बंधाये हे
दाई के सेवा बर भगत मन किरिया खाये हे
पंडा महराज दिनरात ध्यान लगाये हे
सब करथे जतन पूजापाठ अउ चढ़ौती के ...
दाई के सेवा बर भगत मन किरिया खाये हे
पंडा महराज दिनरात ध्यान लगाये हे
सब करथे जतन पूजापाठ अउ चढ़ौती के ...
सब झन आवय देबी दरश के आश म
अटल हे अपन भक्ति अउ विश्वास म
जश ला सब बखानय दुर्गा दाई के
महिमा सब गाये नौ दिन जलत ज्योति के...
अटल हे अपन भक्ति अउ विश्वास म
जश ला सब बखानय दुर्गा दाई के
महिमा सब गाये नौ दिन जलत ज्योति के...
अपन तनी ले जतका बनय सेवा ला बजाथे
रात दिन ला भक्ति भाव म जम्मो झन पोहाथे
बिदाई के बेरा गंगा जल म जंवारा ला बोहाथे
माँगथे आशीष अपन सुख म बढ़ौती के ....
रात दिन ला भक्ति भाव म जम्मो झन पोहाथे
बिदाई के बेरा गंगा जल म जंवारा ला बोहाथे
माँगथे आशीष अपन सुख म बढ़ौती के ....
रचना
देवेन्द्र कुमार ध्रुव
फुटहा करम बेलर
जिला गरियाबंद
देवेन्द्र कुमार ध्रुव
फुटहा करम बेलर
जिला गरियाबंद
बड सुग्घर रचना देवेन्द्र भाई
जवाब देंहटाएं