पागा कलगी-15//19// लोकेन्द्र"आलोक"

शीर्षक- देश बर जीबो देश बर मरबो
-------------------------------------------

भारत दाई के संतान हम हर
देश बर जीबो देश बर मरबो ।
सीमा मा पहरा देवत हम हर
चल संगी देश के सेवा करबो ।।

भारत दाई के संतान हम हर
देश बर जीबो देश बर मरबो ।।

ये भुईहा ला हरियाये बर
हम हाथ मा नांगर धरबो ।
धान जगा हम हर जम्मो
देशवासी के पेट भरबो ।।

भारत दाई के संतान हम हर
देश बर जीबो देश बर मरबो ।।

बनके सैनिक हम सीमा में
बईरी के छाती मा गोली भरबो ।
बन मजदुर ये भुईहा मा
नवा कामबुता ला करबो ।।

भारत दाई के संतान हम हर
देश बर जीबो देश बर मरबो ।।

बन महाराणा के जोश हम
आतंकी मन ले लड़बो ।
सुबाषचंद्रबोश के क्रांति बोली
बन , जन में क्रांति भरबो ।।

भारत दाई के संतान हम हर
देश बर जीबो देश बर मरबो ।।

××××××××××××××××××××

कवि - लोकेन्द्र"आलोक"
ग्राम+पोष्ट - अरमरीकला
तहसील - गुरुर
जिला - बालोद
पिन कोड - 491222
मो. - 9522663949