पागा कलगी -6//संतोष फरिकार

"आज होरी तीहार ए"
…………………………………………
आज होरी तीहार हरय
पीचकारी म रंग भरय
संगी संग गुलाल खेलय
ईही म मया बाढ़य
आज होरी तीहार ए

सबो के सुरता आथे
सबके मथा म टीका लगाथे
संगी के मया बाढ़य
ईही होरी के चिन्हा हरय
आज होरी तीहार ए

रात भर होरी जलावत
दिन म सबो नहावत
मया के गोठ गोठीयावत
सबो झन मजा ऊड़़ावत
आज होरी तीहार ए

नानपन म होरी खेलत
एक दुसर म रंग लगावत
सबो सुख ल पावत
जमो संगी संग मिलत
आज होरी तीहार ए
…………………………………………
रचना - संतोष फरिकार (मयारू)
ग्राम - देवरी भाटापारा
जिला - बलौदाबाजार