!!होली तिहार आगे!!
---------------------------------
---------------------------------
फागुन मस्त महिना संगी
होली तिहार आवत हे
जुर मिलके होली मनाबो
नंगाड़ा थाप बाजत हे
होली तिहार आवत हे
जुर मिलके होली मनाबो
नंगाड़ा थाप बाजत हे
लकड़ी छेना होलिका जलाय बर
सबो कोई सकेलबो
हरा पिंवरी लाल गुलाबी
मया के होली खेलबो
सबो कोई सकेलबो
हरा पिंवरी लाल गुलाबी
मया के होली खेलबो
आनी बानी के तेलहा फुलहा
घरो घर म चुरहि
बरा सोंहारी ठेठरी खुरमी
बांट बिराज के पुरहि
घरो घर म चुरहि
बरा सोंहारी ठेठरी खुरमी
बांट बिराज के पुरहि
संगी जहुंरिया संगवारी मन
होली खेले बर आहि
ठेठरी खुरमी बरा सोंहारी
हमर घर म खाहि
होली खेले बर आहि
ठेठरी खुरमी बरा सोंहारी
हमर घर म खाहि
भांग दारु महुंआ पीके
जवनहा मन बईहाय
कोनो दिखय चितका कबरा
चिन्हे म नजर नी आय
जवनहा मन बईहाय
कोनो दिखय चितका कबरा
चिन्हे म नजर नी आय
मया पिरित अउ भाईचारा के
होली ल सुग्हर मनाबो
आनी बानी किसिम किसिम के
रंग गुलाल ल लगाबो
होली ल सुग्हर मनाबो
आनी बानी किसिम किसिम के
रंग गुलाल ल लगाबो
गांव के गउंरा गुड़ी म
ड़हकि नंगारा बजाबो
सरा ररा होली हे
फागुन गीत ल गाबो
ड़हकि नंगारा बजाबो
सरा ररा होली हे
फागुन गीत ल गाबो
गांव के पुरखा सियान मन के
सुग्हर आसिरबाद ल पाबो
गांव गलि बिरिजबन कस लागहि
होली परब ल मनाबो!!
सुग्हर आसिरबाद ल पाबो
गांव गलि बिरिजबन कस लागहि
होली परब ल मनाबो!!
सोनु नेताम गोंड़ ठाकुर
(मयारुक छत्तीसगढ़िया)
रुद्री नवागांव,धमतरी
(मयारुक छत्तीसगढ़िया)
रुद्री नवागांव,धमतरी
कोई टिप्पणी नहीं:
एक टिप्पणी भेजें