ढेंकी मेर माईलोगन के बसेरा
बिते दिन के गोठ ग
बरय ढिबरी के जोत ग
नई रहय लाईट न चलय मसीन
बेरा उही पुरखा पाहरो के दिन
बरय ढिबरी के जोत ग
नई रहय लाईट न चलय मसीन
बेरा उही पुरखा पाहरो के दिन
रात पहावय कंडील के अंजोर
सुरूज निकले होवय भोर
चांउर सिरावथे बांचे हे थोर -मोर
पहिली ले होवथे धान बोरा म जोर - तोर
सुरूज निकले होवय भोर
चांउर सिरावथे बांचे हे थोर -मोर
पहिली ले होवथे धान बोरा म जोर - तोर
रहय ढेंकी गांव म दुये - चार
जाय बर सुपा -चरिहा धर होजंय तईयार
ऐ पारा ल ओ पारा जाय म होवय बेरा
समे निकाल दाईमन कुटंय बेरा - कुबेरा
जाय बर सुपा -चरिहा धर होजंय तईयार
ऐ पारा ल ओ पारा जाय म होवय बेरा
समे निकाल दाईमन कुटंय बेरा - कुबेरा
मया - पिरित के गोठ होवय
सबो सुघ्घर जुरमिल के रहंय
अब कहां पाबे जी अइसन बेरा
ढेंकी मेर रहय माईलोगन के बसेरा
सबो सुघ्घर जुरमिल के रहंय
अब कहां पाबे जी अइसन बेरा
ढेंकी मेर रहय माईलोगन के बसेरा
रहय ढेंकी जी एक
काम होवय अनेंग
हरदी- मिरचा पिस ले
कुटले कोदो - कुटकी चाऊंर
काम होवय अनेंग
हरदी- मिरचा पिस ले
कुटले कोदो - कुटकी चाऊंर
फेर उहू दिन ह गवागे
ढेंकी ह जाने कहां नदागे
आज के मनुख ऐला भुलागे
जम्मो जिनिस ह मसीन म कुटा-पिसागे
ढेंकी ह जाने कहां नदागे
आज के मनुख ऐला भुलागे
जम्मो जिनिस ह मसीन म कुटा-पिसागे
रचनाकार- सुखन जोगी
ग्राम- डोड़की, पोस्ट- बिल्हा
जिला- बिलासपुर (छ.ग.)
ग्राम- डोड़की, पोस्ट- बिल्हा
जिला- बिलासपुर (छ.ग.)
कोई टिप्पणी नहीं:
एक टिप्पणी भेजें