हमर ढेंकी नंदागे
बटवारा के जाल म,
आधुनिकता के आड़ म।
कलमुहा कलयुग जबले आगे,
छितका कुरिया अउ परछी के हमर ढेंकी नंदागे।
आधुनिकता के आड़ म।
कलमुहा कलयुग जबले आगे,
छितका कुरिया अउ परछी के हमर ढेंकी नंदागे।
आनी बानी के गोठ बात,
माइपिला के साठगांठ।
सास के करकस सासन अटागे,
छितका कुरिया अउ परछी के हमर ढेंकी नंदागे।
माइपिला के साठगांठ।
सास के करकस सासन अटागे,
छितका कुरिया अउ परछी के हमर ढेंकी नंदागे।
भले ऐखर ओखर चारि चुगरि होवय,
फेर कइसनो करके धांन ल बने कुटय।
देवरानी जेठानी अउ छोटकी बड़की कति लुकागे,
छितका कुरिया अउ परछी के हमर ढेंकी नंदागे।
फेर कइसनो करके धांन ल बने कुटय।
देवरानी जेठानी अउ छोटकी बड़की कति लुकागे,
छितका कुरिया अउ परछी के हमर ढेंकी नंदागे।
ढेंकी बुता काम म देंह सवस्थय रहय,
ओ बखत म घरे योग साला अउ औसधालय बनय।
बहु बेटी अउ ओ घर के सुग्घर जचकी लुकागे,
छितका कुरिया अउ परछी के हमर ढेंकी नंदागे।
ओ बखत म घरे योग साला अउ औसधालय बनय।
बहु बेटी अउ ओ घर के सुग्घर जचकी लुकागे,
छितका कुरिया अउ परछी के हमर ढेंकी नंदागे।
ओमप्रकाश चौहान
बिलासपुर
कोई टिप्पणी नहीं:
एक टिप्पणी भेजें