पागा कलगी-14/10/मूलचंद साहू

"धान कुटेल जाबोन"

चलो बहिनी चलो दीदी, धान कुटेल जाबोन।
ढेकी बाहना मुसर, सबला करदे ते तैयार,
कुकरा बासत धान कुटबो, बडे बिहनिया रहीबे तैयार।
चलो बहिन चलो......
खेती किसानी के दिन आगे,चाऊर दार ल करदे तैयार।
कोदो कुटकी घलो कुटबो,बैला बर दाना करदे तैयार।।
चलो बहिनी चलो......
नागर जोते बर नगरिहा जाहि,बासी लेगेबर मे तैयार।
टोकान कोड़े बर तेहा जाबे,बासी खाके होजा तैयार।।
चलो बहिनी चलो.....
खेत खार हरियर होगे,आगे अब हरेली तिहार।
गाय बैला बर लोदी अऊ, नागर देवता चिला रोटी तैयार।।
चलो बहिनी चलो दीदी ,धान कुटेल जाबोन।

मूलचंद साहू
गाँव चंदनबिरही,गुण्डरदेही
जिला बालोद छ.ग.
९६१२८९५६५३